ماحدث بيني وبين المعتدي على منزلنا ...!!

السلام عليكم
كيف حالكم؟؟
وش أخباركم؟؟
ما أبي أطول عليكم وبقولكم بطولتي اللي سويتها...
في تاريخ 10/4/1429هـ
الساعه: تقريباً أربع ألا ربع ليلاً
المكان: صالة الطعام
كنا جالسين مع خواتي سهرانات نسولف ونستهبل ألا وتجي أختي(ع)...
(ع): يمه بعرصي
أنا: أقول أنقلعي هذي شعره بالأرض
(ن): لا والله هذا بعرصي
فجأة تحرك...
قامت (ن) وتحركت شوي بعدها نقزن(أ)و(ر) فوق طاولة الطعام
(ن): راح ... راح
لحقته ليما تخبا تحت الدرج مشيت وتركته رجعنا جلسنا لكن مو زي قبل كل شوي يلتفتون
يناظرون الباب...
(ع): أقول منعطف مو أنتي البطلة قومي جيبي لي ماء لإني خايفة
(وكان براد الماء قريب من الدرج بشكل كبير)
أنا: واااو ما لي خلق
(ع): يا حبيلك
أنا: طيب خلاص بقوم
وقمت
(ر): جيبي لي
رحت وجبت لي كاسين ماء وقلت أحمدوا ربكم وتقاسموا مع بعض
(المشكلة أنهم كلهم أكبر مني ما عدا(ر) بس رزقني الله بخوات خوافات(خخخخ))
قامت (ن) وراحت بتزيين أغراض لها بجهه بعيدة عن البعرصي وطلعت لكن فجأة
نادت: منعطف .. منعطف تعالي شوفي البعرصي بالدريب اللي قبال المطبخ
أنا: طيب .. هذاني جيت
قمت ألا وأشوفه مقابلني حاولت أطرده بعيد(طبعاً وأنا بعيده لإن أخاف إذا قربت) لكن دخل
المطبخ أما خواتي(أ)و(ع)و(ر) من سمعن طاري البعرصي نقزن فوق الطاولة
رجعت لصالة الطعام وأخذت نعلتين(أكرمكم الله) ورميتها عليه لكن ما ني قناصة وحاولت بالثانية
ونفس الشيء قالت(ن) وهي أسنع من اللي ناقزات فوق الطاوله
(ن): راقبيه(حشا والله لو هو كافر) أنا بروح أجيب الريد
أنا: أبشري
وراحت وجابت الريد والمذكورات مسبقاً فيه تقدم نزلن من الطاولة ووقفن عند الباب
حق صالة الطعام وكل وحده ماسكه الثانيه قربت أنا من البعرصي ألا ويدرعم علي أنا
قمت أسوي حركات حتى ينتبة أني شخص يتحرك بس شكلة عمى ضل بمشيه أنا حطيت رجلي
وشخطت من الخوف ووصلت الطاوله أما خواتي ما شاء الله عليهم نبهتهم وأنا أركض وهن سبقنن
من الخوف رجعت للمطبخ لا أشوى أكل جزر وهرب مني أخذت الريد وضليت أرش عليه
وثارت حساسيتي بس عاد لعيون الخوافات مو من عرفوا بوجود البعرصي
قالوا لي روحي سددي أبواب غرفنا أهم شيء
داخ ووقف أنا مسكت نعله وجدعتها ما نفعت جت بالمكان الخطأ وجدعت الثانيه ونفس الشيء
ورجعت أركض خواتي هربوا(يحسبون البعرصي موجود)...
(أ): جا البعرصي؟؟
أنا: لا ... لا بروح أجيب نعال
ورحت لصندوق النعال وأخذت ثنتين ونفس الشيء رجعت لصندوق النعال وأخذت نعال
ونفس الشيء بس بحمد الله تمت السيطرة وقطعت نصه بس ضل حي يمه أكيد فيه شيء
بس تذكرت أني قارية وردي وضربت الضربه القاضية فأردته قتيلاً والحمد الله أننا تخلصنا
عاد من الفراغ قمنا نصوره والنعال اللي حوله تقولين قاتلين أنسان مو بعرصي ما يسوى
بس بيني وبينكم كنت خايفة بس جزمت نفسي وقدرت أقتله...
قالت لي(أ): أنتي أقوى شيء بالعالم(تستهبل)
وزادت عليها
(ن): أنتي سوبرت مان (خخخخ)

مو بطوله أنك تقتل نفس؟؟
من كد حست الإحساس هذا؟؟
بصراحة أنا فرحانه لإني بطلة القصة سحقت على هذا المتطفل وخواتي خايفات ولما قتلناه
قالت
(أ): لو أنا شايفته أنكان قتلته (واضح من سمعت طاريه ألا وتنقز فوق الطاوله)
و(ع): أنا تركت لك فرصة وألا وشي أقتل بعرصي يا سهلها
(لإنك ما تقدرين الخوف مسيطر عليكم من شوي خخخ)
وبصراحة هذي الليلة لا تنسى (وكيف لا تنسى وأنا حطمت الأرقام القياسية بالقتل)

أحم وحفاظاً على مشاعر القراء ما راح أحط صورته
بس بحط الأسلحة::
على فكرة ترا هو تحت الأسلحة

والسلام عطر الختام

البطلة: منعطف (أقوى شيء بالعالم)
ملاحظة: البعرصي معناه الظاطور أو الوزغ ..

ههههههههههههههههههههههههههه ياااهوووووووووو يا شديــــــــــد

ما شاء الله عليكِ

( اقوى شئ بالعالم ) هههههههه

يسلمو يا قمر على المسلسل الممتــع

ييييييييييع يييييييييييييع

والله لو اني مكانك ذبحته وشويته بعد و أكلته < هييين

يمممه والله حتى مقدر اتحمل اشوف رقعة وجهه

حنا نسميه وزغه

هههههههههه

تسلمين يابطله

اجل استأجرك تجين تذبحين الحيات اللي عندي

منعطفوه انا من شفت اسمك وانا حاسة اننا في خطر
ياقووييية انتي انا المكان اللي فيه بعرصي مستحيل ادخله او اقرب حوله >>>> خوافة مع مرتبة الشرف هع

هههههههههههههههههههههههه
والله ضحكتني بقصتك
الله يوسع صدرك بالعافية
يا أقوى شيء بالعالم

اقول منعطف تصيرين صديقتي ؟!! >>>> خافت خخخخ

ههههههههههههههههههههههههههه

أبوك يا القوه..

الله يديمهاا عليك..

التحية والتقدير..

مودتي..