مصطلحات إنشادية جميل معرفتها ....!!

بسم الله الرحمن الرحيم

كيف الحال؟؟
وش الأخبار؟؟
>>> قولي اللي عندك بسرعه

حبيّت أعرفكم على المصطلحات الإنشادية .. والفرق بين الأناشيد .. وغيره ..

أول شيء .. الفرق بين .. الفيديو كليب .. والأنشودة المصورة ..
والأنشودة الفردية ..

الفيديو كليب:

تكون أنشودة من تصوير الشركة .. وتمثيل .. ودراما .. متعوب عليها ..
يعني زي المسلسل لكن بدون كلام وبدل الكلام أنشودة .. وبسيطة ومختصرة

الأنشودة المصورة:

تكون أنشودة مع عرض صور .. أو مقاطع فيديو .. مركبة .. متعوب عليها
بس أقل من الفيديو كليب بشكل كبيــــــر ..

ا

لأنشودة الفردية:

سواء كانت منشدين أو واحد .. فتسمى أنشودة فردية .. يعني تكون بمهرجان
أو جلسة أو أي مكــــــــــــــان .. لكن ما يكون فيه تمثيل
أو عرض صور ..

ثاني شيء .. الفرق بين الأناشيد .. أو مسميات الأناشيد ..

ديتو:

تكون أنشودة وحدة من إنشاد شخصين ..

أوبريت:

ما فيه فرق كبير .. لكن تكون من إنشاد مجموعه ومع شعر وكلام ..
أو شخصين .. لكن يكون فيها شعر وكلام .. هممم أو أي شيء ..

الأنشودة العادية:

الأنشودة العادية تكون من إنشاد شخص واحد ..

ثالث شيء .. الأنشودة ..

صولوا:

تعني إختلاف طبقات الصوت ..

كورال:

المرددين للأنشودة ..

رابع شيء .. الفرق بين المنشدين ..

المنشد الفردي:

يعني اللي ينشد بلحاله ..

المنشد الثنائي:

اللي يكونون أثنين .. ومو أكثر ..

المنشد الجماعي:

وما تسمى بالفرقة الإنشادية ..

خامس شيء .. المقامات:
1/ الصبا ..
2/ الحجاز ..
3/ النهاوند ..
4/ الرست ..
5/ بيات ..
6/ عجم ..
7/ سيقا ..

سادس شيء .. المؤثرات ..

بعض المنشدين يحطون .. دف .. لله يهديهم ..

وبعض المنشدين .. يحطون إيقاع .. وهذولا الله يهديهم ..
لإن هالقسمين حراااااااام .. حراااااااااااام .. بالنسبة للدف مدري لكن الإيقاع
محرم ونزلت الفتوى من الرئاسة العامة للإفتاء .. أنها محرمه ..

وبعض المنشدين يحطون مؤثرات قوية .. ولله ييسر لهم ..

وبعض المنشدين يحطون آهات ومؤثرات بسيطة .. ولله يجزاهم خير ..

وتنقسم المؤثرات للثلاث أقسام ::
الأول:

مؤثرات بشرية .. وتكون من فم المنشد مع زيادة الصدى أوتصغير الصوت
أو تفخيمه .. أو .. أو .. أو يسوي فيه أي شيء .. وإذا بغيتوا تتأكدون أن
هذي المؤثرات بشرية جربوا تسونها وإذا ضبطت أو قريب منها فمعناته أنهم
مسوينها هم مع تصغير أو تكبير أو أي شيء بالصوت ..

الثاني:

الإيقاع:

ومثل ما قلت لكم حرام يعني أن شاء لله منشديننا يتركوها ..

الثالث:

المؤثرات الكمبيوتريه .. وهي محرمه بعد لإنها دقات موسيقية ..

وقبل ما أختم موضوعي .. بعض المنشدين (والإنشاد براء منهم) .. يطلعون
بفيديو كليب مع نساء والقنوات الإسلاميه يحذفونها .. ويسمي نفسه
منشد إسلامي ..

وألا يحط إيقاع وألا دف وألا موسيقى وتطلع الأنشودة بقنوات إسلاميه .. بدون
صح يقهر!! ليه تسمي نفسك منشد!! تشووووه سمعة الإنشاد الحقيقي ..

ولازال فيه منشدين رائعين ومتمسكين بالإنشاد الأصيل ..

حنّا ما قلنا لا تحطون مؤثرات حطوا على كيف كيفكم بس لا تحطون دف أو إيقاع
ولله يضيق صدري إذا سمعتها بإيقاع(قبل ما أعرف أنه حرام) وبدون .. أحس
أنهم يلعبون علينا ..

والكلمات أهــــــــــــم شيء ..

يعني لا يحط أحبك وأموت عليك .. حط أناشيد وعظية .. وحطوا أناشيد مواضيع
حلوة يعني (الفراق _ الجفا _ بر الوالدين وعقوقهما ... الخ) مواضيع زي كذا
لكن أنا مرة سمعت أنشودة(أسم أنشودة) كلماتها غزلية مررررة لا وبعد بدف ..
تغزل بأمك بأبوك بأختك بجدتك بزوجتك بأخوك .. مو بحبيبتك !!

وفق الله الجميع لما يحبه ويرضاه .. نتمنى كجمهور إنشادي أن يتطور النشيد
للأحسن .. وهو كذلك .. لكن لله يهدي بعض المنشدين .. آميـــن ..

هذا اللي براسي .. وأي سؤال عن الإنشاد والمنشدين .. أو الصوت وتصفيت
الصوت .. مسسسستعده أتم إستعداد إني أجاوبكم .. أو إنتقاد أو تعليق ..

اللي بينقل الموضوع .. رجااااء حقوق الطبع محفوظة يعني أكتب أسمي ..
وشكراً ..

لا تنسوني من صالح دعواتكم ..

السفاحة/ منعطف خطير

عوآآآفي ياعسل

معلومات حلوه ماقد مر ابد بالي اني اطلع عليها

مشكوووره ع المجهود

يسلمووو يا قمر .. معلومات جديدهـ

اذا بسوي انشووودهـ بجي آخذ رأيك king

يعطيك العافيه

دنوو ..
مشكووورة على مرورك الروعه ..
afro

صبو ..
هههههههههههههههههههههههههاي لله يحييك عين فراش وعين غطا
ما عندي مانع وأنا أشيرك ..